VES INTELLIGENCE

VES konfiguratzea, eskatzea bezain erraza.

Plataformaren barruko AA agentea: konfigurazioan laguntzen dizu, zure zalantzak argitzen ditu eta ekintzak zure ordez egiten ditu. Ez da ekintzarik egiten zure onespenik gabe.

Modulu guztiak

Irismena Konfigurazioa, kontsulta eta exekuzioa

Integrazioa ES Flow eta VES Notification-ekin

Kanala Weba eta mugikorra

Moduluaren deskribapena

Larrialdi-plataforma bat konfiguratzeak pantaila guztiak ezagutzea eskatu ohi du: non sortzen den kontaktu bat, nola osatzen den zerrenda bat, zer eremu dituen ataza batek edo nola idazten den arau bat. Ezagutza hori pertsona gutxiren esku geratzen da, eta aldaketa orok haiek libre egon arte itxaron behar du.

VES Intelligencek egiteko modua aldatzen du. Behar duzuna idazten duzu —«gehitu Laura ebakuazio-taldera», «sortu gas-ihesen prozedura bat urrats hauekin» edo «zenbat kontaktuk ez dute telefonorik?»— eta agenteak VESen barruan ebazten du. Zerbait aldatu behar bada, proposamen bat erakusten dizu xehetasun guztiekin, eta zuk berresten duzunean bakarrik aplikatzen da.

Zer barne hartzen du

Moduluaren gaitasunak

Hau da eska diezaiokezuna. Zuk VESen egiteko baimena duzuna bakarrik egingo du.

Hizkuntza naturaleko kontsultak kontaktuei, prozedurei, historikoei, adierazleei eta alarmei buruz.
Kontaktuak, profilak, eremuak eta kontaktu-zerrendak sortzea eta editatzea.
Prozeduren konfigurazioa hutsetik: urratsak, atazak, formularioko eremuak eta nork abiaraz ditzakeen.
Jakinarazpenen eta arauen konfigurazioa: kanalak, hartzaileak, testuak eta baldintzak.
Berrespenarekin exekutatzea: prozedura edo simulakro bat abiaraztea, zure atazak osatzea eta jakinarazpenak bidaltzea.
Aplikazioari buruzko zalantzak argitzen ditu eta gauza bakoitza egiten den pantailara gidatzen zaitu.
Aldaketa bakoitza aplikatu aurretik erakusten da eta botoi batekin berresten da.
Gaztelaniaz, ingelesez, euskaraz eta katalanez.

Balioa

Zer ematen dion konfigurazioari:

Taldeko edonork konfigura eta manten dezake VES pantaila guztiak ezagutu gabe.

Konfigurazioa elkarrizketan prestatzen da eta aplikatu aurretik berrikusten da.

Aldaketa bakoitza berretsi zuen pertsonarekin batera erregistratzen da.

VES Intelligencek erabiltzen duenaren saioarekin eta baimenekin lan egiten du, eta ez du inoiz aldaketarik aplikatzen ez prozedurarik abiarazten berrespenik gabe. Datuak Europar Batasunaren barruan tratatzen dira.